Notificacion di AO (Sector Priva)

Notifica AO (Sector Priva cu no ta usa Medisoft SVb)

Ora e trahado ta incapacita pa traha pa motibo di malesa of accidente (ora e ta arbeidsongeschikt of AO), e trahado mester notifica su doño di trabao y SVb.

Pa notifica AO uza e MiSVb Trahado App: https://www.svbaruba.org/misvbtrahado.

Tambe por yama SVb na 527-2782.

Pa empresanan den sector priva cu ta uza Medisoft SVb, e trahado ta keda notifica AO cerca e doño di trabao.

---

Procedura Notifica AO (Sector Priva cu no ta usa Medisoft SVb)

• Ora e trahado ta incapacita pa traha pa motibo di malesa of accidente (ora e ta arbeidsongeschikt of AO), e trahado mester notifica su doño di trabao y SVb.
• Ta notifica AO via e MiSVb Trahado App: https://www.svbaruba.org/misvbtrahado. Tambe por notifica AO via liña di telefon 527-2782.

Pa empresanan den sector priva cu ta usa Medisoft SVb, e trahado ta notifica AO solamente cerca e doño di trabao.

1. Ta notifica AO via MiSVb Trahado App of na telefon 527-2782. No ta acepta notificacion di AO na otro forma!

Orario di notifica AO ta:

• App:
  • Di dialuna pa diabierna di 7:00 AM pa 3:00 PM
  • Den weekend, dianan di fiesta y ATV di 7:00 AM pa 11:00 AM
• Telefon:
  • Di dialuna pa diabierna di 7:00 AM pa 12:00 PM y di 1:00 PM pa 3:00 PM
  • Den weekend, dianan di fiesta y ATV di 7:00 AM pa 11:00 AM

Si bay traha prome cu of riba e di tres dia desde cu a notifica AO no ta tuma contacto mas cu SVb. SI a notifica via e App por indica cu a bay traha bek riba e App.

2. Si ta sigui malo riba e di 3 dia mester notifica na SVb cu ta sigui malo:
   • Si a notifica AO via e App por notifica na SVb cu ta sigui malo tambe riba e App, entre 7:00 AM cu 9:00 AM, di dialuna pa diabierna.
   • Tambe por yama SVb Administracion Medico na 527-2730 entre 7:00 AM cu 9:00 AM, di dialuna pa diabierna. No por yama ningun otro number di telefon!
   • No ta posibel pa notifica na SVb cu ta sigui malo den weekend, dianan di fiesta y ATV, por haci esaki e siguiente dia di trabao di SVb.

Ora ta notifica via e App of ta yama 527-2730 mester:

• • Duna un number di telefon valido pa SVb yama bek mesun dia.
  • Ta pendiente pa ricibi yamada riba e telefon mesun dia (por ricibi yamada te cu 5:00 PM).
  • Den caso cu SVb yama bek y no ta haya contesta e dia di AO no ta wordo aproba.

3. Ora SVb yama bek mester sigui e instruccion duna, cual por ta:
   • SVb ta duna un fecha pa bay traha bek (fecha AG). Si ta sigui malo riba e fecha cu ta bay traha bek mester notifica SVb e mesun dia riba 527-2730 entre 7:00 AM y 9:00 AM.
   • Ricibi afspraak pa control medico na SVb.
   • Pa cada afspraak ta permiti 1 persona drenta, cu excepcion pa esnan den necesidad pa ayudo.

4. Si tin afspraak pa bishita SVb mester tene cuenta cu lo siguiente:
   • Ora di drenta mester mustra paspoort, rijbewijs of cedula.
   • No ta permiti entrada na persona cu griep, keintura y cu tosamento
   • Sigui e instruccion duna pa bin na remarca pa compensacion.

---

No por haya contacto cu SVb na 527-2782

E forma mas conveniente pa notifica AO ta pa notifica uzando e MiSVb Trahado App.

Si ta notifica via telefon tene cuenta cu den oranan di mainta e liñanan di telefon pa notifica AO por ta hopi ocupa. Nos ta recomenda pa yama den oranan di merdia.

Den caso cu fayonan tecnico impedi SVb pa tuma yamada, e trahado ta keda cu e obligacion di notifica AO na su trabao. E trahado mester keda purba di yama SVb pa notifica.

Nos ta recomenda pa consulta nos website y facebook (facebook.com/svbaruba) pa keda na altura di e ultimo noticianan di SVb.

Instruccion ora di notifica AO

Na momento cu e trahado notifica AO, e trahado ta haya e siguiente instruccionnan:

• Si ta AO ainda riba e di tres dia, mester yama Administracion Medico na 527-2730 entre 7:00 AM y 9:00 AM, of ta haci uso di e sistema di e MiSVb Trahado App.
• E prome y e di dos dia di AO ta keda cas pa ricibi posibel bishita di personal di SVb. Por ta ausente solamente pa bay dokter, botica, hospital, fysiotherapista, specialista of similar.

Si e trahado no cumpli cu e instruccionnan duna, e ta perde su derecho riba compensacion.

Control na cas

Durante e periodo di AO, e trahado ta keda cas. E ta permiti pa sali solamente pa atende dokter, botica, hospital, specialista of un otro luga similar.
Riba e prome of e di dos dia di AO, e trahado por ricibi bishita di personal di SVb.

Reanuda trabao

Si e trahado bay traha riba e di dos of di tres dia ta notifica esaki na SVb via e MiSVb Trahado App, of ta yama 527-2782.

Mester notifica SVb solamente si despues di e prome control medico e trahado a reanuda trabao:

• prome cu e fecha poni pa bay traha bek (fecha AG)
• prome cu e fecha poni pa ricibi control atrobe na SVb (vervolgcontrole)

Den ambos caso ta notifica SVb na 527-2730 cu a bay traha bek, of ta haci uso di e sistema di e MiSVb Trahado App.

Yama 527-2730

Ora di yama 527-2730 mester duna un number di telefon valido pa SVb yama bek mesun dia. Keda pendiente pa ricibi un yamada bek di SVb riba e mesun dia (por ricibi yamada te cu 5:00 PM).
Den caso cu SVb yama bek y no ta haya contesta e dia di AO no ta wordo aproba.

Control medico na SVb

E trahado cu mester ricibi control medico ta presenta na SVb na e orario di su afspraak. Na porta e mester identifica su mes cu un paspoort, rijbewijs of cedula valido. Sigui e instruccion di personal di SVb. Durante e control, dokter di control ta determina si e trahado ta sigui AO, of si e ta capacita pa traha.

E carnet di AZV NO ta un medio di identificacion valido.

Arbeidsongeschikt (AO)

Un trahado cu dokter di control ta declara AO, mester informa su doño di trabao di e fecha cu e mester presenta na SVb pa control atrobe.
Pa por tin un miho bista riba e estado di e trahado, dokter di control por pidi e trahado informacion relaciona cu su medicamento. Tambe e dokter por pidi permiso di e trahado pa ricibi informacion di su dokter di cas of specialista.
Den cuadro di e ley di seguro di malesa, solamente e dokternan di SVb ta autorisa pa determina si un trahado ta AO of AG.

Arbeidsgeschikt (AG)

Un trahado cu dokter di control ta determina capacita pa traha, mester informa su doño di trabao di e fecha cu e ta reanuda trabao. Den caso cu e trahado bay traha prome of riba e di tres dia despues di notificacion di AO, no ta notifica na SVb.

E trahado ta malo riba e dia cu e ta declara AG

Den caso cu un trahado ta sinti su mes malo ainda of atrobe riba e dia cu e ta declara AG, e mester yama SVb na 527-2730 entre 7:00 AM y 9:00 AM pa ricibi instruccion.
Si e dokter di control determina despues di control medico cu e trahado ta AG, SVb no ta duna compensacion pa e dia aki.

Bandona Aruba durante AO

E trahado cu dokter di control declara AO, no ta permiti pa bandona Aruba durante e dianan cu e ta AO sin aprobacion di SVb. Solamente esnan cu mester bay den exterior cu un declaracion di AZV por haya permiso di SVb pa bandona Aruba. Pa tur otro forma di tratamento of cualkier otro motibo, SVb no ta duna permiso.
Si e asegurado dicidi di bandona Aruba sin aprobacion, e ta perde su derecho riba compensacion den cuadro di e ley di seguro di malesa y accidente durante e periodo cu e ta den exterior.

Declaracion di AO (Carchi di Control of AO-Kaart)

SVb ta informa e doño di trabao di e AO di su trahado solamente si e a notifica AO via e MiSVb Trahado App. Si ta yama pa notifica AO e doño di trabao no ta wordo informa di e notificacion. Pa tur trahado cu ta uza e MiSVb Trahado App pa notifica AO, e doño di trabao ta ricibi notificacion di AO via e e-mail cu ta registra den e portal di MiSVb.

Mas informacion

Pa mas informacion por tuma contacto cu SVb na telefon 527-2700, via email na info@svbaruba.org of mediante e formulario aki.