MiSVb Trahado App: Uzo di e App

MiSVb Trahado App: Uzo di e App

Video di Instruccion

Pa por sigui e instruccion aki mester a pasa e prome stap pa download, instala y registra riba e App: https://www.svbaruba.org/trahado/sector-priva/misvb-trahado-mobile-app/misvb-trahado-app-instalacion-y-registracion/

1. Despues di a registra por drenta e App cu e PIN cu a traha anterior.
   
2. E App ta habri cu e informacion personal di e trahado. Primi ‘Home’ pa bin bek na e pantaya aki.
   
3. Primi e tab ‘Employment’ pa habri informacion di Relacion di trabou. Aki por wak e informacion relaciona cu e trabou
   
4. Pa splicacion di e tab AO por habri e manual Notifica AO akinan: https://www.svbaruba.org/trahado/sector-priva/misvb-trahado-mobile-app/misvb-trahado-app-notifica-ao/
5. Primi e tab ‘More’ pa habri e menu di ‘Mas’. Akinan por habri diferente menu relaciona cu e funcion di e App y documentonan.
   
6.  Primi e ‘Account’ full aruba pa habri e menu aki, unda por cambia e Email, Number di Telefon of e Paswoord.
    
7. Den e menu ‘Reportahe’ por haya e documento ‘Declaracion di Inscripcion’ di SVb (PDF Document). Den futuro lo por haya akinan mas documento relaciona cu SVb.
   
8. Den e App tin e posibilidad tambe pa habri e Carchi di Control. Esaki ta ilustra e periodo cu un persona tabata AO y a wordo paga.  Por haya esaki den e menu ‘Mas’.
   
9. Den e menu di ‘Contacto/Manda email’ ta haya informacion di contacto di SVb
   
10. De e menu di ‘Settings’ por cambia e idioma di e App.
    
11. Si ta desea di uza e App pa un otro persona por ‘Logout’ y despues login/registra un otro persona. Ademas semper por log in bek cu e propio account.

---