MiSVb Trahado App: Notifica AO

MiSVb Trahado App: Notifica AO

Pa por sigui e instruccion aki mester a pasa e prome stap pa download, instala y registra riba e App: https://www.svbaruba.org/trahado/sector-priva/misvb-trahado-mobile-app/misvb-trahado-app-instalacion-y-registracion/

1. Habri e App cu e PIN cu a traha anterior.
   
2. Primi e tab abao di AO. E siguiente pantaya ta habri.
   
3. Si ta e prome biaha cu ta habri e pagina mester lesa y confirma cu ta bay di acuerdo cu e termino y condicionnan di AO. Por scoge pa no mustra esaki mas.
   
4. E pantaya di notificacion di AO nobo ta habri.
   
5. Na ‘Tipo di Notificacion’ ta habri e menu cu 3 tipo di cual por scoge como tipo cu ta malo:
   – Malo
   – Accident na trabao
   – Admision na Hospital
6. Na ‘Motibo’ ta habri un menu mas largo cu diferente motibo pa cual por notifica AO. Si bo motibo no ta den e lista por scoge full abao e motibo ‘Otro’ y por specifica esaki abao.
7. Ora ta cla di specifica e Tipo di Notificacion y e Motibo ta aparece e doño(nan) di trabao pa cual ta registra na SVb. Scoge e doño(nan) di trabao pa cual ta notifica AO, y yena e orario di trabao. Den caso cu bo tin mas cu un doño di trabou, mester yena cu ta malo pa tur dos.
   Den caso cu e orarionan ta corectamente meniona abao como ‘Defaults’ por scoge pa esaki y e ta wordo automaticamente yena.
   
   
8. Ora e notificacion ta cla ta primi e boton ‘Meld’. E App ta puntra un ultimo biaha pa confirma. Primi ‘Si’ pa confirma e notificacion.
   
9. Por wak awo e informacion di e notificacion. Primi e boton di ‘Mas informacion’ pa habri e detayenan di e notificacion aki. E trahado ta haya un email cu el a raporta cu e ta malo.
   
10. Na momento cu SVb a procesa e notificacion por wak riba e App cu e AO ta confirma. Si a caso bo ta bon pa bay traha bek por primi e boton ‘Mi ta notifica cu mi ta bay traha bek’, e App lo pidi pa confirmacion. Ora haci esaki e App lo cera e AO riba e dia cu a notifica cu ta bay traha bek. E trahado y su doño di trabou ta haya un email cu e AO a wordo confirma.
     
11. Si ta sigui malo riba e di tres dia despues cu a notifica AO, e boton ‘Mi ta malo ainda, mi kier pidi consulta’ ta aparece. Primi e boton aki pa confirma cu ta malo ainda. Dokter di Control di SVb durante e dia lo yama pa haci e consulta medico via telefon. Por spera e yamada entre 9:00 AM y 5:00 PM. Despues cu a primi e boton e status ta cambia confirmando cu ta malo ainda.
    
12. Den e App tin e posibilidad tambe pa habri e Carchi di Control. Esaki ta ilustra e periodo cu un persona tabata AO y a wordo paga.  Por haya esaki den e menu ‘Mas’.
    

---