Maneho di Boet Administrativo
Na april di 2016 Parlamento di Aruba a pasa e ley den cual ta duna SVb autorisacion pa sanciona doño di trabao cu no ta cumpli cu inscripcion di nan trahadonan. Desde juli di 2017 e ley aki a drenta na vigor.
Cada doño di trabao tin obligacion pa cumpli cu nos leynan di Seguro di Malesa, Seguro di Accidente y Cesantia na momento cu tin trahado den servicio. Ta e responsabilidad di cada doño di trabao pa inscribi e trahado prome of riba e prome dia di trabao. Cada dia cu e trahado traha sin ta inscribi e doño di trabao ta falta di cumpli cu e leynan di SVb. Esnan cu no cumpli cu esaki ta ricibi un Boet Adminstrativo.
E Boet Adminstrativo tin 3 categoria:
- E doño di trabao no a duna informacion di trahado completo of corecto
- E doño di trabao no a inscribi trahado na tempo
- E doño di trabao nunca a inscribi trahado
Na momento cu SVb finalisa control y a keda comproba cu e doño di trabao no a cumpli cu ley, SVb ta manda un notificacion digital (via di e-mail) cu SVb tin intencion pa duna un Boet Administrativo. Den e notificacion SVb ta splica e motibonan pakico ta bay ricibi e boet, ademas ta informa riba e suma di boet. Ta importante pa menciona cu e boet ta pa cada trahado cu no a wordo inscribi of no a wordo inscribi debidamente. Por ehempel, den caso cu un empresa a comete un infraccion cu 6 trahado, SVb ta evalua cada trahado su situacion y lo impone un boet riba e doño di trabao pa cada trahado.
E doño di trabao tin posibilidad pa entrega un obhecion te cu 3 siman despues di fecha di e notificacion aki. E obhecion por wordo entrega riba nos website www.svbaruba.org/obhecion of mediante un carta dirigi na director di SVb :
ir. E.M. Jacobs
Caya Punta Brabo 19, Oranjestad.
Si dentro di 3 siman SVb no ricibi un obhecion automaticamente e doño di trabao ta acepta cu a falta di cumpli cu leynan di SVb.
E doño di trabao cu a ricibi un Boet Adminstrativo tin 6 siman pa cumpli cu e pago. Si tin dificultad pa cumpli cu e boet por tuma contacto cu SVb pa yega na un areglo di pago. Mester menciona cu si no cumpli dentro di 6 siman ademas no a tuma contacto cu SVb lo sigui cu e procedura di aanmaning, dwangschrift y beslag.
Por lesa mas tocante e maneho di Boet Administrativo riba nos website www.svbaruba.org/boet.
Schoolverklaring Pa Pensioen Di Huerfano
Tur huerfano entre 15 y 25 aña cu ta bay school den dia mester entrega e schoolverklaring pa e aña escolar 2022/2023.
Pa evita atraso den pago di pensioen di huerfano, e papelnan aki mester wordo entrega no mas tarda cu dia 15 di augustus 2022. Por mail esaki na SVb Departamento di Pensioen via email pensioenen@svbaruba.org.
SVb_Seguro_Huerfano
Pago di Prima y Loonsubsidie na SVb
Pa ley SVb tin e obligacion pa maneha e fondonan di Seguro di Malesa y Accident, di Cesantia y di Loonsubsidie separa. Esaki ta nifica cu pagonan di prima di Seguro di Malesa y accident (ZV/OV), prima di Cesantia y pago di Loonsubsidie mester wordo paga riba cuentanan bancario separa di SVb.
Ora di haci pago via banco nos ta urgi pa controla bon pa e tipo di pago bay na e cuenta bancario corespondiente. Importante tambe ta pa pone den e descripcion e werkgeverscode (number di e compania) sigui pa e number di e factura.
Den caso cu ta haci pago riba e cuenta bancario incorecto, of sin descripcion corecto, administracion di e pago por haya un retraso of e pago por ser desconta for di debe incorecto.
Pa mas informacion bishita nos pagina ‘Pago di prima na SVb’:
https://www.svbaruba.org/prima
Ceramento Oficinanan SVb diaranson 29 y diahuebs 30 juni 2022
SVb_Cera 29 juni 2022
SVb Pensioen Jaaropgaaf 2021
SVb Jaaropgaaf 2022
Ceramento Oficinanan di SVb 26 y 27 mei 2022
En conexion cu Dia di Ascencion y un ATV diahuebs 26 y diabierna 27 mei 2022 tur oficina di SVb Aruba ta cera.
Pa notifica AO SVb tin orario adapta
– Por notifica AO Online di 7:00 AM pa 9:00 AM di mainta.
– Por notifica AO via telefon 527-2782 di 7:00 AM pa 11:00 AM di mainta.
Yama pa dokter di control
Nos liña di telefon 527-2730 tambe cera riba e dianan aki. Si mester a yama 527-2730 riba diahuebs of diabierna por haci esaki dialuna 30 mei atrobe (entre 7:00 AM y 9:00 AM di mainta).
Liñanan di telefon pa sector publico tambe ta cera riba e dianan aki, y por yama esakinan riba dialuna atrobe.
Ziekte-uitkering Durante Loonsubsidie
Procedura y pago di ziekte-uitkering
Un trahado cu a pasa e procedura di notifica AO, pa ley ta sigui cobra su salario na su doño di trabao. E doño di trabao ta ricibi di SVb un compensacion pa esaki, e asina yama ziekengeld of ongevallengeld (ziekte-uitkering of ZUK).
Na momento cu un doño di trabao entrega na SVb su peticion pa ricibi su ziekte-uitkering, SVb ta inicia un procedura di control riba esaki. Si tur informacion ta corecto, e peticion cu a wordo entrega prome cu dia 20 den un luna lo wordo paga prome cu of riba dia 5 di e siguiente luna.
Un empleado cu a notifica AO mientras cu e empresa a ricibi subsidio di salario pa su persona, ta cana e procedura full di notifica AO te cu e wordo declara AG y por bay traha bek.
No por ricibi pago di ziekte-uitkering mientras cu a ricibi Loonsubsidie
Den caso cu un doño di trabao entrega peticion pa un pago di ziekte-uitkering pa un periodo mientras cu e empresa a ricibi Loonsubsidie pa e mesun periodo en cuestion, e peticion aki no por wordo aproba.
Esaki pa motibo cu un doño di trabao cu a ricibi – durante e mesun periodo di AO – subsidio di salario caba pa e empleado no por ricibi compensacion pa perdida di salario (ziekte-uitkering) atrobe pa e mesun periodo.
No por desconta debe di Loonsubsidie cu otro cuenta habri na SVb
E pago di ziekte-uitkering ta tuma luga despues di control riba entre otro eventual debenan habri na SVb. Den caso cu e empresa tin debe habri esaki ta wordo desconta for di e suma cu lo a ricibi na pago di ziekte-uitkering.
Debenan di Loonsubsidie ta exclui di esaki debi cu ta trata di un administracion separa. Den caso cu tin suma habri di ziekte-uitkering y Loonsusidie, esakinan no por wordo desconta for di otro pa SVb. Esaki debi cu SVb tin e obligacion pa maneha ambos administracion separa for di otro.
Pago di ziekte-uitkering si a ricibi Loonsubsidie
SVb ta ehecuta un control mas extensivo riba empresanan cu a ricibi loonsubsidie pa locual ta trata e pago di ziekte-uitkering. Pa e motibo aki por experiencia un tardansa cu pago di ziekte-uitkering pa periodonan cu a ricibi loonsubsidie.
SVb ta aclarea asina, cu no ta posibel pa bin na remarke y tampoco ricibi mas cu un biaha e compensacion pa un salario den e mesun periodo.
ENGLISH:
Procedure and payment of sickness benefits (ziekte-uitkering)
An employee who went through the procedure of being unable to work (AO notification) according to law continues to receive salary from his employer. For this the employer receives a compensation from the SVb, the so-called sickness or accident benefits (ziekte-uitkering or ZUK).
When an employer submits a petition to receive this ziekte-uitkering, the SVb initiates a verification procedure on this petition. If all information is correct, all petitions submitted before the 20th of a given month will be paid out before or on the 5th of the following month.
An employee that has called in sick (AO) whilst his employer received Loonsubsidie for him/her, would have went through the procedure of AO notification untill he or she was declared able to work again (AG) and went back to work.
It is not possible to receive ziekte-uitkering benefits for the same period that Loonsubsidie already has been received
If an employer submits a petition to receive ziekte-uitkering for a given period in which the employer has already received Loonsubsidie, this petition can not be approved. This because the employer which has already received Loonsubsidie can not receive compensation for loss of salary (ziekte-uitkering) again for the same period of the employee’s AO.
SVb cannot cancel open debts from Loonsubsidie againts other open debts
Payment of ziekte-uitkering takes place after a verification procedure, in which there will also be a check on openstanding debts. In case there are openstanding debts with the SVb they will be subtracted and cancelled first before payment will take place.
This however does not apply to openstanding debts regarding Loonsubsidie, for which by law the SVb has to maintain a separate administration. For this reason openstanding debit or credit amounts of Loonsubsidie cannot be canceled against other debit or credit amounts in the SVb administration.
Payment of ziekte-uitkering if Loonsubsidie has been received
In case an employer has received Loonsubsidie in the past the SVb applies a more through check before an eventual payment of ziekte-uitkering can take place. Because of this employers which have received Loonsubsidie in the past can experience a slight delay in ziekte-uitkering payments.
For reasons specified above, the SVb clarifies that it is not possible to receive more than once a compensation for loss of salary for the same period.
Feliz Dia di Mama
Di parti di SVb Aruba, un caluroso pabien na tur Mama di Aruba riba nan dia special. Feliz Dia di Mama!
Informacion di empresa riba portal di MiSVb
SVb ta duna servicio a base di tur informacion di boso empresa via nos sistema digital di MiSVb. Pa garantisa cu tur nos servicionan ta keda traha na un forma optimal nos ta pidi pa controla y si ta aplicabel pa actualisa boso informacion riba MiSVb.
Esaki ta encera tur tipo di informacion di boso empresa, entre otro:
- Informacion personal y salario di empleado(nan)
- Informacion di empresa mes, por ehempel cuenta di banco, persoonsnummer di DIMP, handelsnaam of e forma huridico di empresa.
Por controla tur informacion di boso empresa riba nos portal di MiSVb:
https://misvb.svbaruba.org
Pa cualkier pregunta tocante MiSVb por tuma contacto cu nos helpdesk MiSVb:
– via whatsapp 5272740 (no por ricibi yamada, solamente manda y ricibi mensahe)
– via Facebook messenger http://m.me/svbaruba
– via email helpdesk@svbaruba.org
Masha danki pa e cooperacion.
Feliz Dia di Obrero
Riba e dia special aki SVb Aruba ta desea henter e comunidad laboral di Aruba un Feliz Dia di Obrero. Un Aruba trahando hunto ta forma un miho mundo pa un y tur!
