Video – Cambionan Den Ley di Seguro di Malesa y Accident
[huge_it_videogallery id=»3″]
Entrante prome di juli 2016 ta drenta na vigor cambionan den ley di Seguro di Malesa y Seguro di Accident. Esaki por tin consecuencia pa e trahado y e doño di trabao. Den e comunicado aki SVb ta informa tocante e cambionan principal den e leynan aki.
Seguro di Malesa actual
Actualmente e trahado den servicio cu ta ricibi un salario di Afl. 4.550,- of menos pa luna ta sigura mediante e Seguro di Malesa. Entrante prome di juli 2016 trahadonan kende tin un salario di Afl. 5.850,- of menos pa luna tambe ta sigura mediante e Seguro di Malesa.
Adhustacion Premieloongrens
E suma maximo di salario riba cual ta paga prima (premieloongrens) conforme ley di Seguro di Malesa y Seguro di Accident ta subi entrante prome di juli 2016.
E suma maximo ta cambia como lo siguiente:
• Afl. 70.200,- pa aña (tabata Afl. 54.600,-)
• Afl. 5.850,- pa luna (tabata Afl. 4.550,-)
• Afl. 1.350,- pa siman (tabata Afl. 1.050,-)
• Afl. 225,- pa dia trahando 6 dia pa siman (tabata Afl. 175,-)
• Afl. 270,- pa dia trahando 5 dia pa siman (tabata Afl. 210,-)
Ta bon pa observa cu e cambio den premieloongrens no tin ningun consecuencia pa e salario di e trahado. Primanan di Seguro di Malesa y Accident ta ser paga pa e doño di trabao. Lesa mas tocante primanan di SVb akinan: /resumen-di-tarifa-2016/
Procedura di Notifica AO
SVb ta pidi tur trahado kende ta sigura pa e Seguro di Malesa entrante prome di juli 2016 pa tuma bon nota di e reglanan y obligacionnan stipula pa trahado ora e trahado ta incapacita pa traha pa motibo di malesa.
Lesa mas tocante notificacion di AO akinan: /trahado/sector-priva/notificacion-di-ao/
Obligacion di inscripcion
Entrante prome di juli 2016 tur doño di trabao (sea un natuurlijk persoon of rechtspersoon) tin e obligacion pa duna trahado nobo un formulario di inscripcion di SVb.
E trahado mester haya e oportunidad pa bay inscribi na SVb prome e prome dia di trabao, of riba e prome dia di trabao durante oranan di trabao.
Autoridad pa duna boet
Den caso cu e doño di trabao no ta cumpli cu e obligacion di inscripcion aki, SVb tin e autoridad di duna e doño di trabao un boet di no mas cu Afl. 500.000,-.
Carta pa Doño di trabao
Tur doño di trabao lo ricibi un carta specificando mas informacion tocante e cambionan den ley di Seguro di Malesa y Accident. Den caso cu e cambio di ley aki tin consecuencia pa e administracion di un doño di trabao, SVb lo manda un cobransa adicional (nadere voorlopige aanslag) adhusta cu e cambionan aki. Tur doño di trabao ta haya 5 luna pa paga e tarifa adhusta riba e cuenta aki, cual ta cuminsa cana for di 15 augustus 2016 y ta termina cu e ultimo cobransa na 15 december 2016.
Mas informacion
Pa mas informacion por yama SVb na 527-2700 of por email nos na info@svbaruba.org.
Cambionan Den Ley di Seguro di Malesa y Accident
Entrante prome di juli 2016 ta drenta na vigor cambionan den ley di Seguro di Malesa y Seguro di Accident. Esaki por tin consecuencia pa e trahado y e doño di trabao. Den e comunicado aki SVb ta informa tocante e cambionan principal den e leynan aki.
Seguro di Malesa actual
Actualmente e trahado den servicio cu ta ricibi un salario di Afl. 4.550,- of menos pa luna ta sigura mediante e Seguro di Malesa. Entrante prome di juli 2016 trahadonan kende tin un salario di Afl. 5.850,- of menos pa luna tambe ta sigura mediante e Seguro di Malesa.
Adhustacion Premieloongrens
E suma maximo di salario riba cual ta paga prima (premieloongrens) conforme ley di Seguro di Malesa y Seguro di Accident ta subi entrante prome di juli 2016.
E suma maximo ta cambia como lo siguiente:
• Afl. 70.200,- pa aña (tabata Afl. 54.600,-)
• Afl. 5.850,- pa luna (tabata Afl. 4.550,-)
• Afl. 1.350,- pa siman (tabata Afl. 1.050,-)
• Afl. 225,- pa dia trahando 6 dia pa siman (tabata Afl. 175,-)
• Afl. 270,- pa dia trahando 5 dia pa siman (tabata Afl. 210,-)
Ta bon pa observa cu e cambio den premieloongrens no tin ningun consecuencia pa e salario di e trahado. Primanan di Seguro di Malesa y Accident ta ser paga pa e doño di trabao. Lesa mas tocante primanan di SVb akinan: /resumen-di-tarifa-2016/
Procedura di Notifica AO
SVb ta pidi tur trahado kende ta sigura pa e Seguro di Malesa entrante prome di juli 2016 pa tuma bon nota di e reglanan y obligacionnan stipula pa trahado ora e trahado ta incapacita pa traha pa motibo di malesa.
Lesa mas tocante notificacion di AO akinan: /trahado/sector-priva/notificacion-di-ao/
Obligacion di inscripcion
Entrante prome di juli 2016 tur doño di trabao (sea un natuurlijk persoon of rechtspersoon) tin e obligacion pa duna trahado nobo un formulario di inscripcion di SVb.
E trahado mester haya e oportunidad pa bay inscribi na SVb prome e prome dia di trabao, of riba e prome dia di trabao durante oranan di trabao.
Autoridad pa duna boet
Den caso cu e doño di trabao no ta cumpli cu e obligacion di inscripcion aki, SVb tin e autoridad di duna e doño di trabao un boet di no mas cu Afl. 500.000,-.
Carta pa Doño di trabao
Tur doño di trabao lo ricibi un carta specificando mas informacion tocante e cambionan den ley di Seguro di Malesa y Accident. Den caso cu e cambio di ley aki tin consecuencia pa e administracion di un doño di trabao, SVb lo manda un cobransa adicional (nadere voorlopige aanslag) adhusta cu e cambionan aki. Tur doño di trabao ta haya 5 luna pa paga e tarifa adhusta riba e cuenta aki, cual ta cuminsa cana for di 15 augustus 2016 y ta termina cu e ultimo cobransa na 15 december 2016.
Mas informacion
Pa mas informacion por yama SVb na 527-2700 of por email nos na info@svbaruba.org.
Celebrando 30 aña di SVb ta Anuncia: Competencia di Video
SVb Aruba den su di 30 aña di existencia ta anuncia e competencia di video pa henter comunidad di Aruba. Entrante prome di januari 1986 Aruba a haya su Status Aparte y e entidad SVb Aruba a bira un hecho. Sirbiendo comunidad di Aruba pa mas cu 30 aña caba SVb ta celebra e aña aki cu un competencia pa comunidad.
E competencia tin 3 fase cual ta encera cu cada fase tin su propio competencia pa un cierto grupo mara na edad:
Competencia 1: Pa hoben individual di 10 pa 14 aña (april-23 mei 2016)
Competencia 2: pa hoben individual di 15 pa 17 aña (juni-juli 2016)
Competencia 3: pa persona, grupo, empresa of organisacion di 18 aña bay ariba (augustus – september 2016)
Con pa participa pa e prome competencia?
1. Traha bo video di no mas largo cu 1 minuut riba bo telefon, camera, computer, tablet of cualkier otro aparato digital.
2. Den bo video contesta e pregunta “Kico signifa pensioen di SVb pa’mi of pa mi famia?” Esaki por ta den cualkier forma, sea entrevista, comedia, dramatizacion of simplemente un storia. Tene e video su
mensahe positivo y neutral pa por cualifica pa e competencia.
3. Pone bo video riba youtube, facebook of otro website publico y usa
e tag “30 aña SVb Aruba” ora di upload, y manda nos e link na nos email info@svbaruba.org.
E competencia ta uno individual pa hobennan di edad di 10 pa 14 aña. Un hurado independiente lo bay escohe un ganado. Por participa te cu dia 20 di mei. Videonan registra mas laat no lo ser acepta mas.
E ganado ta gana un tablet nobo di Afl. 700,-.
E di dos premio ta un kadobon na balor di Afl 350,- for di e luga di bo escohencia.
E di tres premio ta un kadobon na balor di Afl 175,- for di e luga di bo escohencia.
Despues di a anuncia e ganador no ta posibel pa coresponde riba e resultado.
Pa mas informacion por tuma contacto cu nos na info@svbaruba.org of por yama na 527-2740.
Video cu Instruccion pa uso di MiPensioen
Pa haci uso di MiPensioen, e servicio nobo digital di SVb pa tur pensionado, mester pasa den algun stap prome. Den e video aki por wak un biaha mas tur e stapnan rekiri pa por subi nos website di MiPensioen, registra y subi riba bo propio cuenta di SVb MiPensioen.
[huge_it_videogallery id=»2″]
Pa wak e video full habri primi riba e ‘full screen icon’ rechts abao den e pantaya di e video. pa sali for di full screen primi ‘Escape’.
Pago di Pensioen di AOV pa mei ta ser paga riba 29 april 2016
Banco di Seguro Social SVb ta informa cu en conexion cu Dia di Labor/Obrero e pago di pensioen pa luna di mei 2016 ta ser ehecuta adelanta riba diabierna dia 29 di april. Esaki pa evita cu pago ta drenta mas laat cu 2 di mei, debi cu ta un dia liber en conexion cu Dia di Labor/Obrero.
ANUNCIO RELACIONA CU CERAMENTO DI SVb SU OFICINANAN
Banco di Seguro Social Aruba SVb ta anuncia cu en conexion cu celebracion di Dia di Himno y Bandera, tur su oficinanan lo ta cera pa publico:
diaranson 16 maart desde 12:00 di merdia;
daihuebs 17 maart henter dia
diabierna 18 maart henter dia
Notificacion di AO (meld ziek) via 527-2782 no ta posibel riba diaranson despues di 12:00 di merdia. Tur notificacion di AO desde 12:00 di merdia lo wordo tuma riba diahuebs 17 maart desde 7:00 di mainta na 527-2782.
E ceramento no lo afecta e sistema di Webportaal di SVb.
Nos ta ofrece nos disculpa pa e inconveniencia aki.
ir. Edwin M. Jacobs
Director
Cera Conoci cu Servicio di MiPensioen den 5 Stap
Cu e meta pa sirbi su clientenan miho, Banco di Seguro Social di Aruba constantemente ta haci cambionan pa mehora su sistemanan y su servicio. Actualmente SVb a implementa un portal di internet cu ta duna e pensionado e posibilidad pa print algun documento (manera jaaropgave of inkomensverklaring) y comunica cu e Departamento di Pensioen. Lesa akibao con abo tambe den 5 stap por registra y haci uso di e servicio nobo aki cu yama MiPensioen.
1. RICIBI E CARTA DI PENSIOEN
Tur pensionado ta bay ricibi un carta di SVb su Departamento di Pensioen, unda ta splica di e servicio aki. Riba e carta ta menciona e number di AOV of esun di AWW.
Banda di esaki e pensionado mester tin un e-mail valido pa por registra su cuenta.
Ora di registra tambe mester yena e fecha di nacemento pa
verifica e persona su identidad.
Tur pensionado ta ricibi e carta aki den luna di maart.
2. REGISTRA RIBA MIPENSIOEN
Cu e informacion di paso 1, subi nos website www.svbaruba.org y sigui e link bao e menu di Pensionado y despues MiPensioen (habri link akinan).
Ora e website nobo habri sigui e link pa habri Registro como usuario nobo. Akinan ta yena e e-mail y un password.
E password mester ta un combinacion di por lo menos 6 letter (letter chikito y grandi), cifra y por lo menos 1 seña.
3. CONFIRMA BO E-MAIL
Despues di registra e sistema di MiPensioen ta manda un e-mail pa confirmacion.
Pa sigura cu e e-mail aki drenta den e inbox por añadi nos e-mailadres pensioenen@svbaruba.org den bo adresboek, of controla bo folder di spam of junk. Den e e-mail di MiPensioen sigui e link pa confirma bo e-mail.
E sistema ta duna e confirmacion ora e website habri cu e link.
4. HABRI SESION (LOGIN)
Despues di a confirma e-mail por subi e website di MiPensioen atrobe y habri un sesion.
Akinan ta yena e e-mail hunto cu e password cual a ser registra na paso 2, y click “Habri sesion”.
5. FINALISA BO PROFIEL
Despues di a habri sesion MiPensioen ta mustra e pagina profiel di e usuario.
Akinan ta yena e informacion di paso 1, pues:
- fecha di nacimento
- ta scohe e tipo di pensioen, sea AOV of AWW
- e number di AOV of AWW
Ora tur informacion ta corectamente yena ta primi ”Safe” pa warda tur informacion.
Despues MiPensioen ta habri e detayenan di e profiel.
Controla e detayenan aki bon. Si tur informacion ta corecto ta finalisa e proceso door di primi “mi ta e persona”.
Asina e proceso ta cla!
Mediante e portal di MiPensioen por baha y print algun documento, ademas por wak e profiel y por tuma contacto cu Departamento di pensioen mediante e formulario di contact.
Pa cualkier pregunta of remarka tocante MiPensioen por haci uso di e formulario riba nos website of por e-mail nos na pensioenen@svbaruba.org.
SVb su Departamento di Pensioen ta introduci un servicio nobo pa su clientenan
SVb autonomo celebrando 30 Aña y ta keda inova su servicio.
Diahuebs mainta Director di SVb Aruba ir. Edwin Jacobs y hefe di Departamento di Pensioen Luis Tromp durante di un conferencia di prensa a presenta e servicio nobo “MiPensioen”. SVb den su afan pa mehora su servicio na su clientela, “e pensionado” continuamente ta inova su sistemanan y servicionan. Aña pasa a introduci riba e website di SVb e calculador di pensioen den cual e pensionado por calcula e suma aproxima di su pensioen di biehes esta e AOV.
Awor ta introduci otro servcio den cual e cliente por haci uzo di servicionan di SVb online. SVb ta introduci un portal di internet cu ta haci posibel pa print algun documento y manda e-mail na e Departamento di Pensioen. Na e momento aki por print e “jaaropgaaf”, “inkomensverklaring”, “herziening mutatie” y un “toelichting” di AOV. Den futuro lo ta posibel pa print otro documentonan y tambe haci registracion y peticion pa revision mediante e portal.
Pa por drenta e portal e pensionado mester crea un password. Como nomber di usuario mester tin un e-mailadres. E pensionado su number di AOV/ AWW, e e-mailadres y e fecha di nacimento hunto, ta haci e pensionado usuario di e portal di internet di e Departamento di Pensioen di SVb Aruba. E portal di internet ta alcansabel via www.svbaruba.org. Bou di menu pensionado mester kies “MiPensioen”.
Den e proximo dianan pensionadonan lo ricibi un carta na cas cu informacion con pa bira usuario di e servicio nobo aki “MiPensioen”. Como servicio adicional, na oficina di Pensioen den Vondellaan, a instala computer specialmente pa e pensionado por registra y tambe haya splicacion personalmente di e servicio nobo aki. Sinembargo pa nos clientenan cu no tin computer na nan disposicion nos oficinanan lo keda duna e servicio manera semper. Un recordatorio ta cu riba diaranson merdia nos oficina na Vondellaan ta sera parti merdia y na San Nicolas henter dia.
Un partner esencial sigur den e caminda di inovacion aki ta ITP Caribbean kende ta y a brinda Departamento di Pensioen e sosten tecnoligico pa e introduccion di “MiPensioen”.
Banco di Seguro Social di Aruba su meta ta pa keda inova y haci cambio den su sistemanan pa asina sirbi su pensionadonan rond mundo mas miho posibel.
Dpto. Cesantia y Ziekte Uitkering Cera Diahuebs 25 Februari
Banco di Seguro Social Aruba SVb ta anuncia cu en conexion cu actividadnan interno, oficina di Departamento di Cesantia y Ziekte Uitkering ta cera pa publico riba diahuebs 25 februari 2016 henter dia.
Diabierna 26 di februari Departamento di Cesantia y Ziekte Uitkering ta habri na e orario normal atrobe.
Nos ta ofrece nos disculpa pa e inconveniencia aki.
ir. Edwin M. Jacobs
Director
Declaracion di Personal 2015 y Cobransa Preliminario 2016
SVb recien a manda pa tur compania e informacion di seguro social pa trahado, incluyendo e formulario Declaracion di personal 2015 (personeelsopgave) y Cobransa Preliminario di e contribucion di seguro di malesa y accidente (voorlopige premie-aanslag zv/ov) pa aña 2016. Continue reading…