Feliz Dianan di Fiesta 2018 y Prospero Aña 2019
Banco di Seguro Social SVb ta desea tur nos clientenan ademas henter pueblo di Aruba Feliz Dianan di Fiesta 2018 y un Prospero Aña 2019!
Aumento Pensioen di Biehes, Viuda/Viudo y Huerfano
Entrante prome di januari 2019 Pensioen di Biehes AOV, ademas Pensioen di Viudo/Viuda y Huerfano AWW ta bay conoce un aumento.
Akibao por mira e sumanan bieu di pensioen hunto cu esnan nobo.
| AOV | 2018 | 2019 |
|---|---|---|
| Pareha casa bibando hunto | AWG 1.864,- of AWG 932,- cada uno |
AWG 1.906,- of AWG 953,- cada uno |
| Soltero | AWG 1.107,- | AWG 1.132,- |
| Casa separa of No-casa bibando hunto | AWG 932,- | AWG 953,- |
| AWW Viudo/viuda | 2018 | 2019 |
|---|---|---|
| te cu 39 aña | AWG 500,- | AWG 512,- |
| 40-48 aña | AWG 671,- | AWG 687,- |
| 49-60 (2019:49-60,5 aña) |
AWG 848,- | AWG 868,- |
| 60-62 aña (2019: 60,5-62,5 aña) |
AWG 1.107,- | AWG 1.132,- |
| AWW Huerfano | 2018 | 2019 |
|---|---|---|
| 0 te cu 9 aña |
mita huerfano AWG 368,- full huerfano AWG 395,- |
mita huerfano AWG 377,- full huerfano AWG 404,- |
| 10 te cu 14 aña |
mita huerfano AWG 395,- full huerfano AWG 433,- |
mita huerfano AWG 404,- full huerfano AWG 443,- |
| 15 te cu 24 aña |
mita huerfano AWG 433,- full huerfano AWG 500,- |
mita huerfano AWG 443,- full huerfano AWG 512,- |
Orario SVb durante dianan di fiesta
Durante temporada di fiesta venidero, tur sucursal di SVb ta cera durante e siguiente dianan durante temporada di dianan di fiesta:
- di dialuna 24 december te cu diabierna 28 december 2018
- di dialuna 31 di december 2018 te cu diaranson 2 januari 2019
Diahuebs 3 januari 2019 tur sucursal di SVb ta habri na e orarionan normal atrobe.
Notificacion di AO mediante telefon 527-2782 durante dianan di fiesta ta limita pa di 7:00 Am pa 11:00 AM. Tur dia por notifica AO mediante nos formulario di Notifica AO Online. Servicio di telefon ta limita durante e siguiente dianan:
- Dialuna 24 december di 7:00 AM te cu 11:00 AM
- Diamars 25 y diaranson 26 di december no por notifica AO na 527-2782
- Diahuebs 27 y diabierna 28 december 2018 di 7:00 AM te cu 11:00 AM
- Dialuna 31 di december 2018 di 7:00 AM te cu 11:00 AM
- Diamars prome di januari 2019 no por notifica AO na 527-2782
- Diaranson 2 januari 2019 di 7:00 AM te cu 11:00 AM
Entrante diaranson 3 di januari 2019 por notifica AO mediante nos telefon 527-2782 na e orarionan normal atrobe.
E ceramento no ta afecta nos servicio di Webportaal tampoco servicionan riba nos website. Contesta riba formularionan di nos website por tin un tardansa debi na servicio limita. Nos ta ofrece nos disculpa pa cualkier inconvenencia cu esaki por causa.
SVb Aruba ta desea henter pueblo di Aruba ademas tur nos clientenan di afo feliz dianan di fiesta!
Control Empleado Publico ta muda di SVb Eagle pa Sun Plaza
Entrante diabierna 30 november 2018 Empleadonan Publico cu tabata ricibi control na Van Leeuwenhoekstraat (Ex-BGD), ta bay ricibi control medico na nos sucursal nobo situa den Sun Plaza, Lloyd G. Smith Blvd 160. Nos dokter di control ta situa unda antes tabata consultoria di dr. Lily Beke na Sun Plaza, na e parti abao meimei di Sun Plaza.
Tur empleado publico cu tabata ricibi control na Van Leeuwenhoekstraat (Ex-BGD) por acudi na e balie di Sun Plaza pa ricibi control entrante diabierna 30 november di 7:00 AM.
Empleadonan publico cu ta traha den onderwijs ta keda ricibi control na nos sucursal na Eagle.
Empleadonan publico cu ta ricibi control na San Nicolas y tur empleado cu ta traha den Sector Priva ta keda ricibi control na e mesun sucursalnan di SVb.
Pa cualkier pregunta of remarka por tuma contacto cu SVb na 527-2700, of usa nos formulario di contacto.
Boet Adminstrativo SVb
Diabierna mainta Director di SVb Sr. ir. Edwin Jacobs a manda mediante di E-Mail e prome notificacionnan relaciona cu e Boet Adminstrativo cu e keda introduci pa Doñonan di Trabao. Tabata na april di 2016 cu Parlamento di Aruba a pasa e ley den cual ta duna SVb autorisacion pa sanciona Doño di Trabao cu no ta cumpli cu inscripcion di nan trahadonan.
Na juli di 2017 e ley aki ta drenta na vigor y di parti di SVb a duna un temporada di gracia pa tur doño di trabao por a pone nan administracion na ordo.
Seguro di Malesa, Seguro di Accidente (bou ora di trabao) y Cesantia ta leynan cu e contribucion na esakinan mester wordo paga pa e Doño di Trabao. Ta e responsabilidad di cada Doño di Trabao di duna e trahado oportunidad pa inscribi na SVb prome cu e cuminsa traha of tambe e trahado por inscribi riba e prome dia di trabao. Cada dia cu e trahado traha sin ta inscribi e Doño di Trabao ta falta di cumpli cu e leynan di SVb y esnan cu no cumpli cu esaki ta bin na remarca pa ricibi un Boet Adminstrativo.
E Boet Adminstrativo tin 3 categoria: 1. No a duna informacion completo of corecto; 2. No a inscribi trahado na tempo; 3. No a inscribi trahado. Na momento cu SVb finalisa control y a keda comproba cu e Doño di Trabao no a cumpli cu ley, esaki lo haya un notificacion digital (via di E-mail) cu SVb tin intencion pa duna un Boet Administrativo. Den e notificacion SVb ta splica e motibonan pakico ta bay ricibi e boet, ademas ta informa riba e suma di boet. Ta importante pa menciona cu e boet ta pa cada trahado cu no a wordo inscribi of no inscribi debidamente. Si un empresa a falta e leynan di SVb cu por ehempel 6 trahado, SVb ta evalua cada trahado su situacion y lo impone un boet pa riba e Doño di Trabo pa cada trahado.
E Doño di Trabao tin 3 siman despues di fecha di e notificacion aki pa entrega un obhecion. E obhecion por wordo entrega riba nos website www.svbaruba.org/obhecion of mediante un carta dirigi na director di SVb : ir E.M. Jacobs, Caya Punta brabo 19, Oranjestad. Si dentro di 3 siman SVb no ricibi un obhecion automaticamente e Doño di Trabao ta acepta cu el a falta di cumpli cu leynan di SVb.
SVb ta duna tur Doño di Trabao cu a ricibi un Boet Adminstrativo 6 siman pa cumpli cu e pago. Si tin dificultad pa cumpli cu e suma poni como boet por tuma contacto cu SVb pa yega na un areglo di pago. Mester menciona cu si no cumpli dentro di 6 siman y no tuma contacto cu SVb lo por sigui un aanmaning, dwangschrift y beslag.
Por lesa mas tocante e maneho di SVb tocante e Boet Administrativo riba nos website www.svbaruba.org/boet.
Multa ora falta di inscribi trahado
Tur doño di trabao tin e obligacion di laga tur su trahadonan inscribi na SVb. Incumplimento cu inscripcion di trahado ta
nifica cu e trahado no ta segura pa e seguronan di SVb.
Incumplimento ta nifica cu SVb por duna un Boet Administrativo di un suma te cu Afl. 500.000,-.
Inscripcion di un trahado na SVb mester tuma luga:
- prome cu drenta den servicio, of;
- riba e prome dia di trabao, durante ora di trabao.
Inscripcion por tuma luga:
- online riba nos website
- personalmente na oficina principal na Eagle (di dos piso).
E lista di tur Boet Administrativo ta publica riba nos website bao ‘Maneho di Boet Administrativo’. E texto completo di e Maneho di Boet Administrativo por wordo baha akibao:
Boetebeleid SVb April 2017.
Pa ricibi un copia di e documento aki yena bo email akibao y primi submit
Email MBA
Nos ta pidi nos clientenan pa tuma bon nota di e anuncio aki.
Peticion Debe & Credito SVb
Entrante 22 di augustus 2018 Banco di Seguro Social Aruba SVb a cera e formulario pa peticion Debe & Credito na SVb, cual awor solemente doñonan di trabao cu ta registra riba e website di SVb por habri y yena. Esaki pa evita cu e informacion aki por wordo manda na un persona cu no ta autorisa pa ricibi e informacion aki, pues pa SVb por controla esaki. Mediante e registracion SVb por controla y verifica cu tur peticion ta wordo haci pa un persona kende ta autorisa pa haci esaki.
Pa por registra riba e website di SVb e doño di trabao por sigui e link di «Registra pa MiSVb«, cual por wak riba e pagina principal di e website di SVb www.svbaruba.org. Despues di yena e formulario aki e informacion ta wordo controla. Den caso cu esaki ta corecto e registracion ta wordo aproba y e doño di trabao ta ricibi un email. Den e email aki ta splica e doño di trabao con por finalisa su registracion y log in riba nos website.
Banda di yena e formulario di Debe & Credito tin otro formulario cu solamente doño di trabao registra por yena, por ehempel registracion di empleado nobo. Cu e formularionan aki no ta necesario mas pa pasa na oficina di SVb, pero por haci tur esaki online mediante nos website.
SVb ta sigui automatisa su sistemanan y asina brinda tur su cliente un miho servicio, cual mas y mas por wordo haci na cas of for di cualkier luga mediante nos website. Den caso cu a topa cu cualkier problema, por fabor laga nos sa mediante info@svbaruba.org.
Vacatura Hoofd Human Resource SVb
Banco di Seguro Social (SVb) ta desplega un tarea importante den e sistema di seguridad social na Aruba. Den e cuadro aki SVb ta ehecuta 5 ley di seguronan social. Tur luna SVb ta percura pa un gran parti di nos comunidad ricibi un entrada mediante pago di dianan di AO, pensioen di biehes y pensioen di viudo y huerfano.
Desde prome di januari 1986, SVb ta brinda seguridad pa Aruba su comunidad.
Pa cumpli cu su tareanan SVb ta conta cu trahadonan cu tin tanto status di empleado publico y contracto conforme ley civil. Pa su empleadonan SVb ta aplica tur e leynan cu ta regarda posicion huridico di empleadonan publico di Pais Aruba. Ademas, SVb ultimo añanan ta implementando un maneho di personal basa riba principionan moderno. Pa duna guia na e departamento responsabel pa e ambiente laboral nos ta buscando un
cu ta desea di contribui na nos organisacion den un forma positivo.
Tareanan principal
• produci, ahusta y ehecuta e maneho di personal di SVb;
• lidera nos departamento di HR;
• conseha y facilita gerencia riba tereno di maneho di personal y desaroyo di personal di SVb;
• conseha y facilita management cu tur asunto di personal;
• aplica y ehecuta leynan di SVb, ademas leynan di LMA y LVVDA.
Exigencia
E candidato o candidata pa e vacatura aki tin e siguiente caracteristicanan:
• ta pensa y traha riba nivel universitario;
• a finalisa un estudio riba tereno di maneho di personal of similar;
• tin por lo menos 5 aña di experiencia den mesun funcion of similar;
• tin amplio conocemento di ley y reglanan riba tereno di maneho di personal di Pais Aruba ademas leynan di LMA y LVVDA;
• tin bon bista riba meta y funcion di SVb;
• tin amplio habilidadnan comunicativo;
• tin amplio habilidad pa traduci cambio di maneho y ley di Aruba den consecuencianan concreto pa SVb y su personal;
• ta flexibel, tacto y ta tuma iniciativa, por anda cu informacion confidencial y tin habilidad pa obhetivamente wak un otro su punto di bista;
• ta domina idiomanan di Hulandes, Spaño, Ingles y Papiamento.
Salario ta conforme e Bezoldigingsregeling Aruba y ta depende di e añanan di experiencia.
SVb ta ofrece entre otro un bon areglo di pensioen y e posibilidad pa atende diferente curso.
Mas informacion
Pa mas informacion tocante e vacatura aki por tuma contacto cu director ir. Edwin M. Jacobs mediante email na info@svbaruba.org.
Solicitud mediante un carta di motivacion, acompaña pa curriculum vitae y copia di diploma(nan) por wordo dirigi na director ir. Edwin M. Jacobs, solamente mediante email dirigi na info@svbaruba.org.
Ultimo dia pa solicita ta 28 augustus 2018 pa 4:00 pm.
Un evaluacion psicologico ta forma parti di e procedura di solicitud.
Ta curasha Arubianonan pa solicita ademas lo haya preferencia riba otro.
Por wak e aviso di e vacatura akibao (pdf document):
Vacatura SVb Hoofd HR aug 2018
Jaaropgaaf Pensioen 2017
Banco di Seguro Social Aruba SVb ta informa cu e jaaropgaaf di AOV/AWW 2017, cual ta necesario pa e declaracion di inkomstenbelasting 2017, ta ser manda mediante post pa tur pensionado di SVb. E carta di jaaropgaaf lo ser ricibi durante lunanan di augustus y september 2018.
Pa tal motibo SVb no ta entrega e jaaropgaaf aki na oficina di SVb mas.
Adicionalmente por download y print e jaaropgaaf aki riba nos website riba e portal di MiPensioen: https://pensioenen.svbaruba.org.
Cuentanan Anual (Jaarrekening) di SVb 2017
E cuentanan anual di SVb su fondonan pa aña 2017 a keda cla. Nos accountant a entrega na SVb e cuentanan anual oficialmente y esaki a wordo entrega na Minister di Turismo, Salud Publico y Deporte, den cumplimento di articulo 16, inciso 2 di nos ley di Banco di Seguro Social.
Esaki ta prome cuentanan anual cu SVb ta entrega e cuenta anual dentro di e termino poni den e ley di SVb. Tambe esaki ta e prome cuenta anual despues di basta aña cu ta indica cu tur e fondonan bao administracion di SVb conoce un surplus.
SVb ta produci Cuentanan Anual di tur su fondonan:
- A-30585 Sociale Verzekeringsbank Aruba (Administratie) – Financial- Statements 2017
- A-30583 Sociale Verzekeringsbank Aruba ( ZV OV) – Financial Statements- 2017
- A-30584 Sociale Verzekeringsbank Aruba (Cessantiafonds) – Financial- Statements 2017
- A-30582 Sociale Verzekeringsbank Aruba ( AOV AWW) – Financial Statements- 2017
- A-30586 Sociale Verzekeringsbank Aruba (Diensten aan Derden) – Financial- Statements 2017
Esnan di aña 2017 y prome ta disponibel pa wak y baha riba nos pagina di cuentanan anual: