Guia pa trahado: Con pa Notifica AO durante Shelter in Place
Ora di notifica AO tin un procedura pa sigui. Akibao ta splica con pa haci esaki durante e Shelter in Place.
- Na momento cu bo ta sinti suficiente malo pa no por realisa bo trabao, yama bo doño di trabao.
- Aunke bo no tin obligacion di menciona kico bo ta sinti, trata di splica mas cu bo por e partinan di bo trabao cu bo no por realisa.
- Calcula den cuanto dia bo ta kere bo por bay traha bek. Ta honesto cu bo mes y cu bo doño di trabao.
- Si tin algo na trabao cu ta molestia’bo y ta haci’bo sinti malo, trata na comunica esaki. Purba di yega na un solucion cu bo doño di trabao.
- Percura pa bo doño di trabao por keda den contacto cu’bo durante e dianan di AO.
- Si cu bo ta sigui malo riba e dia cu bo lo a bay traha bek, yama bo doño di trabao atrobe.
Cu bo compania ta ser considera esencial ta pasobra e ta importante pa pueblo di Aruba. Bo ta importante den esaki!
Nos ta den un situacion extra ordinario. Mustra bo miho cara como trahado pa fortifica bo relacion cu bo doño di trabao ariba termino largo.
Lesa e ultimo noticia oficial riba website di DVG: https://www.arubacovid19.org/
Proceduranan AO durante Shelter in Place
Banco di Seguro Social Aruba SVb a suspende tur su servicionan durante di Shelter in Place. SVb ta sigui percura pa pagonan di pensioennan y beneficionan cu ta wordo paga directamente na trahado. Tur otro servicio di SVb ta ser posponi.
Procedura pa notifica AO durante Shelter in Place
Trahado di servicionan esencial den sector priva por fabor sigui e siguiente procedura durante e Shelter in Place:
- Ta notifica AO cerca e doño di trabao. Empleadonan publico ta notifica AO cerca hefe di departamento
- No mester indica kico ta sinti
- Dialoga cu doño di trabao riba un fecha riba cual ta reanuda trabao
Den caso cu ta sigui AO ora SVb reanuda su servicionan mester tuma contacto cu SVb na 527-2782.
SVb ta pidi cooperacion di tur doño di trabao y hefe di departamento di servicionan esencial pa mantene un registro di trahado cu a notifica AO. E registro tin por lo menos e siguiente datonan di e trahado:
- Nomber y fam completo
- Number di identificacion of fecha di nacemento
- Fecha riba cual a notifica AO
- Fecha riba cual a reanuda trabao
Na momento cu SVb reanuda su servicionan por tuma contacto cu SVb. SVb ta acepta tur registro di absentismo a base di buena fe.
AO prome y durante Shelter in Place
Trahado cu ta AO pa un periodo largo y cu a ricibi un fecha di control medico durante e Shelter in Place, mester tuma contacto cu SVb na momento cu SVb reanuda su servicionan. Por yama cu 527-2782 pa sigui e procedura pa ricibi control medico.
Trahado cu a notifica AO despues di 16 maart 2020 mester informa nan doño di trabao (of hefe di departamento pa ambtenaar) di e fecha riba cual ta poni pa reanuda trabao. Den caso cu riba e fecha aki e trahado ta sigui malo SVb ta pidi cooperacion di e doño di trabao y e trahado pa hunto determina un fecha riba cual ta reanuda trabao.
Lesa e ultimo noticia oficial riba website di DVG: https://www.arubacovid19.org/
Pa e noticia diario di Crisisteam wak Telearuba of sigui Gabinete Wever-Croes riba Facebook: https://www.facebook.com/GabineteWeverCroes/
SVb ta Cera durante Shelter in Place
Banco di Seguro Social ta suspende su servicionan temporalmente durante e ‘Shelter in Place’. SVb ta sigui percura pa bao tur circumstancia por sigui paga e pensioennan y beneficionan cu ta wordo paga directamente na trahado.
Tur otro servicio di SVb ta ser posponi durante e ‘Shelter in Place’.
Durante esaki SVb NO por tuma y/of procesa:
- Notificacion di AO/AG y Control Medico via telefon 527-2782, website y Webportaal
- Rijbewijskeuring
- Keuring pa Empleado Publico
- Boet Administrativo ademas Bezwaar pa Boet Administrativo
- Tur servicio di Reintegracion y ARBO
Na momento cu SVb por habri su portanan bek nos lo tuma tur peticion incluyendo esnan cual por a vence caba den e periodo cual SVb tabata cera. Di buena fe SVb ta bay procesa tur notificacion di AO durante e periodo di ‘Shelter in Place’. Nos ta pidi tur doño di trabao pa administra nan trahadonan cu ta AO durante e periodo aki. Ora SVb habri bek e doño di trabao por haci tur notificacion di AO retro-activo.
Lesa e ultimo noticia oficial riba website di DVG: https://www.arubacovid19.org/
Pa e noticia diario di Crisisteam wak Telearuba of sigui Gabinete Wever-Croes riba Facebook: https://www.facebook.com/GabineteWeverCroes/
Notifica AO na 527-2782
En conexion cu e situacion actual di COVID-19/ Coronavirus nos ta adapta nos servicio di notifica AO. Entrante awe por notifica AO solamente via 527-2782. Esaki ta conta pa tur asegurado di SVb den sector priva ademas ta conta tambe pa ambtenaar den sector publico.
Notifica AO
Entrante awe tur asegurado mester notifica AO via di telefon 527-2782, y no por notifica AO mas via nos formulario pa notifica AO online of nos Webportaal/Medisoft te proximo aviso. E sistema di Webportaal/Medisoft lo keda habri pa por wak informacion.
Notifica AG
No tin nodo mas pa notifica AG. Den caso cu e trahado ta AO ainda riba e fecha cu ta poni AG e mester notifica AO atrobe via 527-2782.
Control Medico
SVb por lo pronto no lo haci control medico mas, pero lo atende cada yamada individualmente. Lo duna un fecha di AG ademas no lo ricibi control medico. Esaki ta nificia tambe cu na momento cu ta AO ainda riba e dia cu ta poni AG, mester yama 527-2782 atrobe pa notifica AO.
Den caso cu e dokter di control dicidi cu e asegurado mester ricibi un control medico, e asegurado lo wordo informa di esaki y lo ricibi un cita pa pasa SVb.
SVb no lo ricibi ningun hende na SVb pa control medico sin un cita.
Call Center
Den e ultimo dianan SVb a haci su maximo esfuerso pa reenforsa su Call center. Entrante awe e trabaonan pa esaki a keda cla, cual ta nifica cu e tempo pa warda ora di yama lo baha.
Ta importante pues ora di yama pa notifica AO pa tene cuenta cu lo siguiente:
- Orario pa yama ta di 7:00 AM te cu 12:00 PM y di 1:00 PM te cu 4:00 PM, den weekend di 7:00 AM te cu 11:00 AM.
- Ora di yama por fabor keda na liña. Cada yamada ta bay den un rij y ta wordo atendi riba secuencia di entrada. Na momento cu ta cera e telefon y yama atrobe e yamada ta wordo poni full patras den e rij.
- No por notifica AO online te proximo aviso. Esaki ta conta pa sector priva y publico (ambtenaar).
- Ora di yama sigui e instruccion di e operador di SVb. Por fabor tuma bon nota di e fecha di AG.
Nos ta ofrece nos disculpa pa cualkier inconveniencia, masha danki pa e comprension.
Pa mas informacion por tuma contacto cu SVb na info@svbaruba.org.
Pa mas informacion riba COVID-19 bishita https://www.arubacovid19.org.
Notifica AO pa motibo di Cuarentena
Aseguradonan di SVb cu ta obliga di bay den cuarentena por notifica AO pa cu esaki. Esaki ta conta pa tur trahado den sector priva. Ambtenaar no tin nodo di notifica AO, debi cu ambtenaar por haci uzo di e areglo di BVVD.
Na momento cu un trahado ta ser obliga pa bay den cuarentena pa DVG e por notifica AO na SVb na 527-2782. E trahado mester por prueba cu el a wordo manda den cuarentena door di DVG. Ora di notifica AO e operador di SVb ta duna instruccion pa esaki.
Pa mas informacion por tuma contacto cu SVb na info@svbaruba.org.
Pa mas informacion riba COVID-19 bishita https://www.arubacovid19.org.
SVb cera Diamars 17 maart 2020 12:00 PM
SVb ta cera awemerdia 17 maart 2020 entrante 12:00 PM. Nos ta habri bek diahuebs 19 maart 2020. Nos ta ofrece nos disculpa pa cualkier inconveniencia.
SVb bao Maneho di Ocupacion Minimo
Banco di Seguro Social di Aruba SVb ta participa cu en connexion cu prevencion di COVID 19/Coronavirus a adapta su servicio na publico entrante dialuna 16 di maart 2020.
Tur nos departamentonan ta traha a base di ocupacion minimo. Unda cu ta posibel ta traha cu cita ademas nos ta sigui duna servicio via telefon y email.
Den caso cu ta bin SVb pa control medico tene cuenta cu:
- Ta prohibi pa drenta SVb cu sintomanan di griep
- SVb ta limita entrada den sala di espera na 50 persona (Eagle y San Nicolas)
Nos ta pidi cooperacion di tur bishitante pa sigui instruccion di personal di SVb !
Por tuma contacto cu nos diferente departamentonan:
- Pa Notifica AO: 527-2782 of online https://www.svbaruba.org/ao
- Verlof di parto, Control Medico: Administracion Medico: (via central) 527-2700 of info@svbaruba.org
- Cesantia: 527-2819 of 527-2755 of info@svbaruba.org
- Pago na SVb: Dpto. di Inning: 527-2778 of info@svbaruba.org
- Finansas SVb: 527-2729 of rwever@svbaruba.org
- Cobransa di SVb, areglo di pago: Dpto. di Invordering: 527-2770 of info@svbaruba.org
- Externe Controle: 527-2780 of info@svbaruba.org
- Helpdesk MiSVb: pa ayudo cu MiSVb 2.0: helpdesk@svbaruba.org of Whatsapp +2975272740 (no tin telefon)
- Doño di trabao y trahado: Premieheffing 527-2700 of heffing@svbaruba.org (pa ayudo cu MiSVb mester tuma contacto cu Helpdesk)
- Pensioenen: 527-2760 of pensioenen@svbaruba.org
Pa cualkier pregunta of remarca por fabor tuma contacto cu info@svbaruba.org.
SVb y Ocupacion Minimo
Banco di Seguro Social di Aruba SVb ta haci e siguiente adaptacionnan en conexion cu maneho temporal di ocupacion minimo, cu ta drenta na vigor entrante dialuna 16 di maart 2020:
- Tur nos departamentonan ta traha a base di ocupacion minimo.
- Unda cu ta posibel ta traha cu cita ademas nos ta sigui duna servicio via telefon y email. Doño di trabao por sigui tuma contacto cu nos Helpdesk via Whatsapp.
Control medico ta sigui tuma luga, nos balie di Administracion Medico ta keda habri te cu 10:00 AM
Nos ta pidi tur bishitante di SVb pa tene cuenta cu esaki y pa evita aglomeracion di hende.
Tene cuenta tambe cu den caso cu bo persona tin y ta sinti:
- tosamento OF tin problema pa hala rosea
- y keintura di 38℃ of mas:
NO PRESENTA NA SVb!
- YAMA 280-0101
- Notifica AO via nos telefon 527-2782, entre 7:00 AM – 12:00 PM & 1:00 PM – 4:00 PM (diasabra, diadomingo y dianan di fiesta 7:00 AM – 11:00 AM)
- NO POR NOTIFICA AO ONLINE!
SVb ta Adapta su Servicio di Notifica AO
Relaciona cu prevencion di COVID-19.
Banco di Seguro Social di Aruba SVb ta forma parti di e plataforma pa hunto combati e virus cu poco poco ta yegando mas cerca di nos. Profesionalnan di Salud a emiti varios mensahe y un di nan ta cu e virus COVID-19/CoronaVirus lo yega Aruba tambe. En bista di esaki SVb ta participa algun cambio den e procedura pa notifica AO.
Na momento cu un trahado ta desea di notifica AO pa motibo di tin problema pa hala rosea, a biaha y tabata durante di ultimo 14 dia pafo di Aruba of tabata tin contacto cu un pashent diagnostica cu Coronavirus, e mester na prome luga yama su dokter di cas.
Despues di yama e dokter di cas mester notifica AO na SVb telefonicamente y NO na nos servicio online.
Trahadonan di sector priva mester notifica AO telefonicamente na e “Callcenter” di SVb na telefon 527-2782 di 7:00 AM – 12:00 PM y di 1:00 PM – 4:00 PM y NO online.
Trahadonan di sector publico mester tuma contacto cu SVb su Departamento di Administracion Medico despues di 9:30 di mainta na telefon 527-2744.
Trahadonan di sector publico mester notifica AO telefonicamente na e “Callcenter” di SVb na telefon 527-2782 di 7:00 AM – 12:00 PM y di 1:00 PM – 4:00 PM. No por notifica AO pa e condicion di salud aki via di e webportaal.
Ta importante pa tene na cuenta cu si ta bay notifica AO pa otro motibonan cu no ta esunnan ariba menciona, e procedura di notifica AO no ta cambia pa ningun di dos sector.
SVb ta urgi henter nos comunidad pa tene na cuenta tur e consehonan pa mantene hygiena personal. Esakinan ta inclui: tosa den napkin of den elleboog, y tira napkin afo di biaha; tapa bo nister; laba man y pols frecuentemente cu awa y habon durante di 20 seconde, hand sanitizer ta un alternativa; mantene distancia di hende cu ta tosa na 1 meter of mas; no mishi cu wowo, nanishi of boca.
Lucha contra e transmission di virusnan, e ta cuminsa na abo!