Bo persona ta un dokter cu experencia y cu afinidad pa salud laboral y seguridad social? Bo ta desea di contribui na bienestar di sector laboral na Aruba? Nos ta en buskeda di un

Dokter di Control

Nos organisacion

Banco di Seguro Social Aruba (SVb Aruba) ta desplega un tarea importante den e sistema di seguridad social na Aruba. Den e cuadro aki SVb ta ehecuta 5 ley di seguronan social. Tur luna SVb ta percura pa un gran parti di nos comunidad ricibi un entrada mediante pago di dianan di AO, pensioen di biehes y pensioen di viudo y huerfano.
Como dokter di control bo ta forma parti di e team di Labor y Salud, un team multidisciplinario dedica na evaluacion laboral corecto y eficiente segun ley ta prescribi.

Funcion y responsabilidadnan

Evaluacion di incapacidad laboral:

• Ehecuta consulta medico
• Analisa data di ausencia y evalua incapacidad laboral
• Investiga accidente di trabao y malesanan ocupacional
• Colabora cu dokter di cas, specialista y otro profesionalnan medico

Prevencion y conseho:

• Ehecuta evaluacion medico (entre otro evaluacion medico preventivo of evaluacion pa rijbewijs)
• Duna conseho na doño di trabao y trahador riba circumstancia laboral y maneho di salud
• Informa clientenan tocante claims y educa tocante salud laboral

Colaboracion interno y desaroyo:

• Participa na reunionnan interno y contribui na maneho
• Mantene conocemento medico actualisa mediante di educacion continuo
• Contribui activamente na casonan complica y asuntonan huridico

Bo profiel

Nos ta busca un profesional tactico, empatico y independiente cu:

• Educacion universitario finalisa den Medicina (diploma di dokter)
• Registracion den AruBIG, preferiblemente como bedrijfsarts of verzekeringsarts
• Preferiblemente tin conocemento profundo di medicina laboral ademas ley y reglanan relevante
• Dominio excelente di Papiamento, Hulandes, Ingles y Spaño
• Abilidad analitico fuerte cu experiencia den preparacion di rapport

Nos ta ofrece

• Un funcion dinamico den un organisacion impactante
• Pleno espacio pa desaroyo profesional y educacion continuo
• Un ambiente laboral colegial den un team multidisciplinario
• Condicionnan laboral excelente segun e Bezoldigingsregeling Ambtenaren

Interesa?

Entrega akibao bo carta di motivacion (dirigi na director di SVb Aruba ir. Edwin M. Jacobs), Curriculum Vitae y un cu copia di diploma ademas y certificado relevante prome cu 31 maart 2025.

No ta acepta solicitud cu no ta via e formulario akibao.

Pa mas informacion tocante e funcion por tuma contacto cu e Management Team di Labor & Salud via e-mail medisch@svbaruba.org.