Aplicacion Sosten Financiero Kwartaal 2 2021

Informacion importante pa tur dunado di trabou cu ta aplica pa Sosten Financiero pa Empresa Chikito y Mediano pa e di dos kwartaal di 2021

Empresanan chikito y mediano cu ta bin na remarke pa aplica pa Sosten Financiero pa Empresa Chikito y Mediano (Sosten Financiero) por haci esaki desde diahuebs 15 di april, 2021. Por entrega aplicacion te cu dialuna 19 april 2021.

E pago di e Sosten Financiero no ta bay automaticamente y si no aplica, no ta ricibi e sosten financiero.

Tur empresa cu ta bin na remarca pa ricibi e Sosten Financiero por entrega e aplicacion for di e portal di MiSVb. Si no ta bin na remarca no por wak e aplicacion riba e portal.

Pa facilita e proceso di aplicacion y contesta pregunta di empresa chikito y mediano relaciona cu e programa di Sosten Financiero por tuma contacto cu e Helpdesk via mail na helpdeskmkb@svbaruba.org. Tambe por subi ariba e pagina di SVb www.svbaruba.org y bay na e topico Sosten Financiero (na Doño di Trabou).