RECORDATORIO: Subsidio di Salario Januari 2021

Tur dunado di trabou cu por aplica pa subsidio di salario pa luna di januari tin te cu 27 di januari, 2021 na fin di dia (11:59 PM) pa haci esaki.

Un dunado di trabou cu ta aplica pa subsidio di salario pa luna di januari mester a cumpli cu e pago di tur prima y seguro social pa lunanan di mei te cu december. SVb ta referi aki na e primanan di AZV, AOV/AWW, pensioen general di trahado y ZV/OV. Ta e deber di un dunado di trabou pa paga e primanan aki.

Tambe tur dunado di trabou mester percura pa den nan MiSVb tin e salarionan real di nan trahadonan registra. SVb ta controla esaki y si e dunado di trabou no tin e salario real registra e por afecta e pago di subsidio di salario.

TENE NA CUENTA CU E TA E RESPONSABILIDAD DI E DUNADO DI TRABOU PA CONTROLA E INFORMACION DI APLICACION Y NO DI E TRAHADO. EN CASO CU DUNADO DI TRABOU ENTREGA UN PETICION CU NO TA CORECTO Y/OF CU FALTA INFORMACION ESAKI TA CONDUCI NA RECHASO DI E PETICION PA SUBSIDIO DI SALARIO. VERIFICA TUR DOCUMENTO Y FORMULARIO PROME CU ENTREGA!

Si bo tin pregunta, tuma contacto cu nos service center digital na loonsubsidie@svbaruba.org.