Caminata Diasabra riba Caribbean Wellness Day

Biba saludabel yega na edad avansa saludabel

Caribbean Wellness Day ta un evento anual cu den region di Caribe ta wordo celebra riba e di dos diasabra den september, esta 12 di september. Lema di e aña aki ta “Healthy lifestyles, healthy ageing”, kiermen cu Biba Saludabel pa yega un edad avansa saludabel.
Aruba tambe ta celebra Caribbean Wellness Day y siman anto ta inicia e siman cu’n caminata. Plataforma Promocion di Salud ta organisando e caminata estilo “Fun Walk” pa recorda tur hende cu edad avansa ta pa nos tur y cu nos tur kier yeg’e na nos edad di pensioen cu bon salud tambe. E Plataforma Promocion di Salud tin representacion di Departamento di Salud Publico DESPA, IBiSA, SVb, AZV, Wit Gele Kruis, dr. Horacio Oduber Hospitaal y IMSAN. Meta di e plataforma ta pa uni forsa pa canalisa informacion di salud pa pueblo di Aruba. Alabes Plataforma Promocion di Salud ta sigui conscientisa riba importancia di cuida nos propio salud y tambe pa promove un miho calidad di bida sin importa e estado di salud cu bo por ta aworaki. Banda di alimentacion sano, actividad fisico tambe ta un di e factornan beneficioso pa hende su salud. Asina aki por preveni na yega edad avansa cu 1 of mas malesa cronico. Esakinan por ta entre otro obesidad, malesa di curason, diabetes, pero tambe cancer, stroke of otro
Plataforma Promocion di Salud ta invita tur cu ta desea di cana pa nan salud, pero cu tambe kier ta e bon ehempel pa nan yiunan pa bin cana hunto como famia dia 12 di september. Ta cuminsa cana 5.30 pm saliendo for di parkinglot di AZV na Rumbastraat y ta termina dilanti SVb na Eagle. Participacion ta gratis y lo tin algo pa refresca garganta na final di e caminata. Biba saludabel yega na edad avansa saludabel un compromiso cu nos mes.