Maneho di Boet Administrativo

Pa entrega un obhecion riba un notificacion (Kennisgeving) di un Boet Administrativo por habri e formulario akinan: https://www.svbaruba.org/obhecion

Maneho Boet Administrativo
Pa ley tur trahado residencia na Aruba mester ta inscribi na SVb pa ta segura pa e Seguro di Malesa y Seguro di Accident. Den caso cu e doño di trabao no ta duna e trahado e oportunidad pa inscribi na SVb e ta priva e trahado di e proteccion cual e seguronan aki ta ofrece. Ademas e ta comete fraude debi cu no ta paga prima pa e seguronan aki.
Cu e Maneho di Boet Administrativo SVb a haya mas autoridad pa enfrenta e problemanan aki. Tur doño di trabao tin e obligacion di duna informacion completo y corecto, y cumpli cu inscripcion di su trahadonan na SVb. Pa incumplimento cu e obligacionnan aki SVb por duna un Boet Administrativo.

Suma di Boet Administrativo
Den caso cu SVb constata un infraccion SVb tin diferente liña di guia den e Maneho di Boet Administrativo pa determina si ta duna un boet y con halto e boet aki por ta. E maneho aki ta determina con e Boet Administrativo ta wordo aplica manera ta poni den Landsverordening Ziekteverzekering y Landsverordening Ongevallenverzekering. Entre otro ta ser determina:
• Ken ta duna e boet.
• Con ta duna e boet.
• Ki ora e boet ta caduca.
• Con ta determina e suma di e boet.
E maneha aki ta pa garantisa cu e ley ta wordo aplica na un forma proporcional y uniforme.

Casonan individual
Ora di determina e boet SVb mester tene cuenta cu cada caso individual y actua riba e principio di proporcionalidad (‘evenredigheidsbeginsel’). Esaki ta nifica cu ora di determina e boet ta tene cuenta cu e gravedad di e infraccion, culpabilidad di e doño di trabao y e circumstancianan den e caso specifico.

Sumanan di boet pa categoria
Na comienso SVb no lo duna boet di e suma maximo di AWG. 500.000,-, pero lo efectua sumanan di boet mas abao. No ta descarta cu pa futuro e sumanan aki por wordo adhusta si nan no tin e efecto desea. Tur e sumanan por wordo categorisa den e tres tabelnan poni akibao.

Categoria A: Formulario di inscripcion no ta yena completo/corecto

Categoria B: No a inscribi trahado na tempo

Categoria C: Nunca a inscribi trahado

Mas informacion
E texto completo di e Maneho di Boet Administrativo por wordo baha akibao:
Boetebeleid SVb April 2017

Pa ricibi un copia di e documento aki yena bo email akibao y primi submit: